#كلام_في_سرك

مجزرة الدفاع الجوي و زعيم العصابة و صبيانه و النعامة

اللي بيتكلم ان وزير الداخلية ده هو المشكلة في مجزرة الدفاع الجوي ، بيتصرف زي النعامة اللي بتخبي رأسها و هي فاكرة انها بكدة مفيش حد شايفها طول هي مش شايفة حد. يعني هو كان وزير الداخلية استقال او اقيل من ساعة مجازر الحرس الجمهوري و المنصة و رابعة و النهضة و ..و . بالعكس .ده طول ما المجازر بتزيد ، بيبقي صعب انه يقال من منصبه !! ليه؟
لانه مش هو الراجل الكبير . انت امام عصابة لها زعيم ، وزعيم العصابة له صبيانه ، و محمد ابراهيم صبي من صبيان زعيم العصابة و هما دافنيه سوي ، يعني محمد ابراهيم يفضح السيسي زعيم العصابة ، و الموضوع مش هيبقي تسريبات ده هيبقي لايف.
صبي العصابه محمد ابراهيم بقي مركز قوة كبير ، و زعيم العصاية ما يقدرش يعمل معاه اي حاجة او يحاسبه و الا ….
ده معناه انه الصبي النجيب المطيع محمد ابراهيم وزير المجازر مكمل ، و مش هيمشي الا بطريقين : اما الزعيم بنفسه ينهيه و يتخلص منه و يلبسها في اي حد ، و ما أكثرهم اللي موجودين دائماً يتلفق لهم تهم ، او انه لو حب يبقي شيك و مهذب يعتقله ..المشكلة ان في صبيان تانية كثير هتقلق و ممكن تتهور علي زعيم العصابة و هذا ما يقلق زعيم العصابة .
للاسف مصر سرقتها عصابة مسلحة بسلاح الدولة اللي المواطنيين بيدفعوا ثمنه من جيوبهم و بتقتل شعبها كل يوم ، ولو حضراتكم شايفين ان هذا الشرح مبالغة فانا ساعاتذر عنه لو تمت اقالة محمد ابراهيم و تم إحالته للمحاكمة بمسؤوليته عن مقتل ٤٠ شاب مصر امس رايحين ماتش كرة . اما لو لم يُقال و يتم التحقيق معه و يأخذ ما يسحقه من احكام يبقي حضرتك عزيزي القارئ الذي تظن اننا نعيش في دولة مش عصابة متعملش زي النعامة و خليك عارف  ان زعيم العصابة السيسي هو أساس الازمة لانه هو زعيم العصابة اللي خاطفه مصر …و أنه مش ممكن حمامات الدم دي هتقف لأن زعيم العصابة
بيدافع عن رقابته قبل رقبة صبيانه ..علشان كده رحيله هو و العصابة بداية حل الأزمة
أما بقي اللي بيقولك المشكلة انهم مكنش معاهم تذاكر ..والا الحل هو الغاء الماتشات ..و مبيجبش سيرة القتله و العصابة من اساسة و لا حتي وزير المجازر ..فده سيبك منه لانه مش هيفوق للاسف الا لما حد من عيلته او اولاده يجري لهم حاجة علي ايد العصابة و المجرمين دول…بعد الشر عن الجميع
الصنف الأخير ده مش بيفكر بأسلوب النعامه . ده بيفكر بأسلوب النائب العام بتاع العصابه ..و ده صبي تاني من صبيان زعيم العصابة ..اللي أول ما الجزرة وقعت و مات عشرات الشباب من الاولتراس ..اول حاجة عملها اصدر اوامر ضبط و احضار لبقية الشباب اللي متقتلوش علشان يحقق معاهم بتهمة  انهم السبب في قتل زمايلهم ..و بلطجية عصابة الداخلية  القتلة طبعاً أشراف اطهار .
كل واحد بيبرر القتل و الدم ده ..او بيسكت عليه ..او بيمسك في الضحية  و يعمل اسد عليها و هو نعامة امام القاتل المجرم يراجع ضميرة و نفسة لان حسابه عند ربنا شديد
* اللغة العامية احيانا تكون اسهل في توصيل الفكرة لكثير من المصريين الذين ليس لهم طاقة علي القرأة كثيراً او باللغة العربية الفصحي

1 reply »

  1. لا اتفق معك استاذ / حاتم عزام فى نقطتين الاولى انه يمكن للسفاح السيسى ان يقيل محمد ابراهيم بدون مشاكل وذلك بأعطائه مليار دولار ليرحل بها هو واسرته جميعا الى اوروبا او امريكا وطبعا مليارات الخليج مازال السفاح يحتفظ بها فلا مشكلة اما النقطة الثانية هى ان السفاح السيسى هوالمشكلة الاساسية لما نحن فيه وهذا غير صحيح فلا نختصر المشكلة فى شخص ولكن المشكلة الاساسية هى فى حكم العسكر عموما يجب ان يزول عن بكرة ابيه من مصر حتى نستطيع ان نبنى البلد من جديد بعد ان خربوها وهذة هى مشكلة مصر وشكرا

    إعجاب

أترك تعليق

Please log in using one of these methods to post your comment:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s